Lors que madame en quelque obscur manoir - Sonnet

Lors que madame en quelque obscur manoir
Entre de front, ou bien qu'elle est assise
Il m'est advis que la
Lune j'advise
Naistre de nuict, par un temps sombre, et noir :



Et si de jour, encor', je la puis voir
Ou le soleil, en sa grand force, luyse
Semble à mes yeux qu'elle, au soleil destruyse
Comme elle faict, et lumière, et pouvoir :



Madame, donq', à la voir, représente
La claire lune, et est, encor' luysante
Plus que
Phebus n'est en son clair midy :



Mais son effect tient plus des deux, ensemble,
Car au soleil (me bruslant) il ressemble :
Et à la lune, estant trop refroidy.