Sonnet xci - Sonnet

Celle là qui abecha

De froid venin son enfance
Et longtemps d'autre substance
Ne cogneut et ne mâcha,



Mourut lors qu'elle tascha
De prendre la cognoissance
Du doux, et par l'inconstance
Doucement la mort cercha.



Ainsi moy, qui jusque icy
N'ay gousté que le soucy,
L'amer, les pleurs et la braise,

Si je n'empruntay un cour
Qui n'eust esté nourri d'aise,
Je mourroy de la douceur