Sonnet clxxxiii - Sonnet

Que vous estes menteuse, ô troupe
Poétique,
Qui avez en vos vers faulsement maintenu
Qu'Hercule est autresfois allé & revenu
Par sa force & vertu au règne
Plutonique.



Non non, c'est un abus : car ce fait héroïque
A nul autre qu'à
Christ n'est jamais advenu :

C'est luy seul, qui estant aux enfers parvenu,
En est sorti vainqueur, insigne & magnifique.



Le prince de la nuit aux liens il a mis,

Luy a brisé son sceptre, & vaillament repris
Les justes qu'il tenoit en ses prisons funestes :



Qui tousjours attendoient ce jour si gracieux,
Sçachant que
Jesus-Christ par son sang précieux
De là les conduisoit aux demeures célestes.