Les souspirs amoureux - Sonnet

De fureur de soucy, mon ame tourmentée
Sous vostre cruauté, désire contre un fer,



Caché dedans mon cour, tresbucher en l'enfer,
Pour s'aller rafraichir en l'onde
Acherontee :

Mais lors que de tel soin je la sens agitée,

Voulant dedans mon sang teindre un mortel acier,
Vos yeux tiennent ma main, et me font désirer
La vie que j'en ay heureusement succee.



Et vous qui cognoissez qu'avec toute puissance
Vous maistrisez mon cour, et ceste belle essence,
Dont l'humaine chaleur me fait vivre icy bas



Vous vous jouez de moy, et d'une bonne grâce
Cruelle vous voulez ores que je trespasse,
Et puis changeant de front vous ne le voulez pas.