C'est grand bien que de ces amours - Rondeaux

C'est grant bien que de ces amours,

Qui miracles font si appertes

Que maintes dames font appertes

Qui ja aloient en decours.



Ilz garissent, de commun cours,

De plus grans maulz que fievres quartes,

C'est grant bien que de ses amours.



N'il n'est si vieulx, soit longs ou cours,

S'il en est bien ferus acertes,

Qu'il ne lui semble tout de certes

Qu'il prendrait bien le lievre au cours;

C'est grant bien que de ses amours.