En esperant de mieulx avoir - Rondeaux

En esperant de mieulx avoir,

Me fault le temps dissimuler,

Combien que voye reculer

Toutes choses a mon vouloir.



Pour tant s'il me fault vestir noir

Et simplement moy affuler,

En esperant de mieulx avoir,



Se
Fortune me fait douloir,

Il le me convient endurer,

Et selon le temps moy riuler

Et en bon gré tout recevoir,

En esperant de mieulx avoir.