Trés doulz regart, amoureux, attraiant - Rondeaux

Trés doulz regart, amoureux, attraiant,

Plein de doulçour et de grant reconfort,

Mon cuer occis et navrez en treiant.



Mais ja pour ce ne t'ailles retrayant

De traire a moy de trestout ton effort,

Trés doulz regart, amoureux, attraiant.



Car en mon cuer ta doulceur pourtraiant

Va vraie amour, par quoy mon desconfort

En garis tout en mon cuer soubtraiant,

Trés doulz regart, amoureux, attraiant.