Si l'esclair guide aux nuicts noires et furieuses - Sonnet

Si l'esclair guide aux nuicts noires et furieuses
Celuy hors du chemin qui erre en desespoir,
Ainsi l'oil qui me fait trop de clarté avoir,
Me perd, environné de flammes amoureuses.



Celuy là ne voit rien soubs les ombres affreuses,
Pour trop avoir de jour je ne me sçaurois voir,
Mes yeux craignant tousjours l'homicide miroir
Qui ardant à la mort fait ma nuict ténébreuse.



Je parle de ce feu, feu divin qui esclaire,

Les plus obscures nuicts, maistre de son contraire,
Qui bel astre de nous, cède à ceste lueur :



Vous donc frères jumeaux désir des mers jellees,
Bruslez ainsi luisans les grottes emperlees
Non moy qui suis objet ores de sa chaleur