Adieux a paris - Poéme

Adieu m'amour, adieu douces fillettes,
Adieu
Grand
Pont, haies, estuves, bains,
Adieu pourpoins, chauces, vestures nettes,
Adieu harnois tant clouez comme plains,
Adieu molz liz, broderie et beaus seins
Adieu dances, adieu qui les hantez,
Adieu connins, perdriz que je reclaims,
Adieu
Paris, adieu petiz pastez.



Adieu chapeaulx faiz de toutes flourettes,
Adieu bons vins, ypocras, doulz compains,
Adieu poisson de mer, d'eaues doucettes.
Adieu moustiers ou l'en voit les doulz sains
Dont pluseurs sont maintefoiz chapellains.
Adieu déduit et dames qui chantez !
En
Languedoc m'en vois comme contrains :
Adieu
Paris, adieu petiz pastez.



Adieu, je suis desor surespinettes
Car arrebours versera mes estrains,
Je pourrai bien perdre mes amourettes
S'amour change pour estre trop loingtains.
Crotez seray, dessirez et dessains,



Car li pais est détruit et gastez.

Si dirai lors pour reconfort au mains :

Adieu
Paris, adieu petiz pastez !