Comme l'or fin, dessus le fer non rouille - Sonnet

Comme l'or fin, dessus le fer non rouille

Quoy que le fer se rouille bien souvent,

Ainsi le los que l'on met en avant



Du vicieux au vice ne se souille :
Et comme aussi quand l'or on frotte et mouille

Dedans l'eau forte, il ne s'envole au vent,

Ains reste tel comme il estoit devant



Quoy que le fer en perde la dépouille,
Ainsi le los au vicieux preste

En la forte eau des vertueux froté

Ne se perd point, ains laisse nud le vice.



Car comme l'or de nature immortel,
Ainsi le los de sa nature est tel,
Et reste en soy, si du subjet il glisse.