L'este grillant, et le chaud sirien - Sonnet

L'ESTE grillant, et le chaud
Sirien,
Perçant les flancs de la terre qui bée :
Non ceste
Fleur qui m'a l'ame enflambée,
Mesme à l'envy du gaillard
Cyprien.

Elle est sa guide en ce val terrien,
Son flair combat l'odoreuse
Sabée * :
Et dans le cour cest amour m'est tombée
Par qui j'ay tout, et sans qui je n'ay rien.

Pluye, ni vent, ni chaleur, ni froidure,
N'esffaceront son teint, ni sa verdure :
Je l'affranchis du trespas, et du temps.

Mais las ! tandis que sa gloire éternelle
Revit en moy, chetif ! je meurs en elle :
Et fondz ainsi que la nege au
Printemps.