Sonnet de monosyllabes - Sonnet

Si je n'y suis lors mon tout est un rien,

Mon oil plein d'eau, de maux me fond en pleurs ;

Et si c'est là le beau but de mon heur,

Que je tiens cher : car c'est mon plus grand bien.



Long temps y a que je me dis fort sien,
Et je n'en ay que fers, que feu au cour :
Mais las ! je crains, par ma foy j'en ay peur,
Que mon sens vif ne soit onc joint au mien,



Or soit ou non, je te veux, je te prens,

Ton teinct sans fard plaist au jour de mes ans,
Et ton beau corps si coint, si gay, si doux,



Dont je te quiers, ni pour mon fiel, mon dueil;
S'on me faict tort, un clin de ton bel oil
Met tost à bas le plus dur de mes coups.