Au seigneur des essars, n. de herberay - Poéme

Au grand désir, à l'instante requeste
De tant d'amys dont tu peux disposer,
Vouldrois tu bien (o amy) t'opposer
Par ung reffus de chose treshonneste ?

Chascun te prie, et je t'en admoneste,
Que l'Amadis qu'il t'a pieu exposer
Veuilles permettre et au monde exposer :
Car par telz faictz gloire et honneur s'acqueste.

Estimes tu que
Caesar ou
Camille,

Doibvent le cours de leur claire mémoire
Au nombre, au fer, à cyseau ou enclume ?

Toute statue ou medalle est fragille
Au fil des ans, mais la durable gloire
Vient de ta main docte et bien disant plume.