D'un présent de roses - Poéme

Ces roses cy par grande nouveauté

Je vous envoyé et en est bien raison :

La
Rose est fleur qui sans comparaison

Sur toutes fleurs a la principauté.
Sur toutes est ainsi vostre beauté,

Et comme, en
France, en l'arrière saison,

La rose est rose et n'est en grand foison,

Rare est aussi ma grande loyauté.
Donques vous doit la rose appartenir,

Et le présent et sa signifiance

Mieux que de moy ne vous pouvoit venir :

Car comme au froid elle a faict résistance,
J'ay contre envye aussi sceu maintenir
Mon bon vouloir, ma foy, et ma constance.



Il n'est point tant de barques à
Venise,

D'huistres à
Bourg, de lièvres en
Champaigne,
D'ours en
Savoye, et de veaux en
Bretaigne,
De cygnes blancs le long de la
Tamise,

Ne tant d'Amours se traitant en l'église,
De différents aux peuples d'Allemaigne,
Ne tant de gloire a un seigneur d'Espaigne,
Ne tant se trouve à la
Cour de feintise,

Ne tant y a de monstres en
Afrique,
D'opinions en une republique,
Ne de pardons à
Romme aux jours de feste,

Ne d'avarice aux hommes de pratique,
Ne d'arguments en une
Sorbonique,
Que m'amie a de lunes en la teste.