Sonnet vi - Sonnet

Il faut laisser maisons & vergers & jardins,
Vaisselles & vaisseaux que l'artisan burine,
Et chanter son obseque en la façon du
Cygne,
Qui chante son trespas sur les bors
Maeandrins.



C'est fait j'ay dévidé le cours de mes destins,
J'ay vescu j'ay rendu mon nom assez insigne,



Ma plume vole au ciel pour estre quelque signe
Loins des appas mondains qui trompent les plus fins.



Heureux qui ne fut onc, plus heureux qui retourne
En rien comme il est oit, plus heureux qui séjourne
D'homme fait nouvel ange auprès de
Jesuchrist,



Laissant pourrir ça bas sa despouille de boue
Dont le sort, la fortune, & le destin se joue,
Franc des liens du corps pour n'estre qu'un esprit.