Sonnet e - Sonnet

Pour ravir la toison quand
Jason courut tant,
Il y parvint pour vray, l'arrachant hors du sort
Aux dragons flamboyans : mais non par son bras fort,
Non par son bac fatal à
Cholsos loing flottant.



Car sans ton fort pouvoir qui luy fut assistant
O doux fils à la nuict, par un subtil confort,
Son cas alloit fort mal : il y fust plustost mort,
Tant grand, tant bon fust-il, tant hardy combattant.



Donc à toy qui luy fis un tant amy support,
Un tour tant à propos, un tant divin confort,
Soit un los immortel à tout jamais acquis.

Mais tu luy fus amy, quand ton appast charmoit
Son dragon, qui sans fin son tison allumoit,
Il jouit donc par toy du prix ainsi conquis :