Des astres, des forests, et d'acheron l'honneur - Sonnet

Des astres, des forests, et d'Acheron l'honneur,
Diane au monde hault, moyen et bas préside,
Et ses chevaulx, ses chiens, ses
Eumenides guide,
Pour esclairer, chasser, donner mort et horreur.



Tel est le lustre grand, la chasse, et la frayeur

Qu'on sent sous ta beauté claire prompte, homicide,
Que le haut
Jupiter,
Phoebus, et
Pluton cuide,
Son foudre moins pouvoir, son arc, et sa terreur.



Ta beauté par ses rais, par son rets, par la craincte,
Rend l'ame esprise, prise, et au martyre estreinte :
Luy moy, pren moy, tien moy, mais helas ne me pers.



Des flambans forts et griefs, feux, filez, et encombres,
Lune,
Diane,
Hécate*, aux deux, terre, et enfers
Ornant, questant, gênant, nos
Dieux, nous, et nos

[ombres.