Sonnet 76 - Sonnet

Diane estant en l'espaisseur d'un bois,
Apres avoir mainte beste assenée,
Prenoit le frais, de
Nynfes couronnée :
J'allois resvant comme fay maintefois,



Sans y penser : quand j'ouy une vois,
Qui m'apela, disant, nynfe estonnee,
Que ne t'es tu vers
Diane tournée ?
Et me trouvant sans arc et sans carquois,



Qu'as tu trouvé, ô compagne, en ta voye,
Qui de ton arc et flesches ait fait proye ?
Je m'animay, respons je, à un passant,



Et lui getay en vain toutes mes flesches
Et l'arc après, mais lui les ramassant
En les tirant me fit cent et cent bresches.