... a madame de ferrare - Poéme

Me souvenant de tes bontez divines

Suis en douleur, princesse, à ton absence ;

Et si languy quant suis en ta présence,

Voyant ce lys au milieu des espines. O la doulceur des doulceurs femenines,

O cueur sans fiel, o race d'excellence,

O traictement remply de violance,

Qui s'endurçist près des choses bénignes. Si seras tu de la main soustenue

De l'éternel, comme sa cher tenue ;

Et tes nuysans auront honte et reproche. Courage, dame, en l'air je voy la nue

Qui ça et là s'escarte et diminue,

Pour faire place au beau temps qui s'approche.