De sa grand amye - Poéme

Dedans
Paris, ville jolie,
Ung jour, passant mélancolie,
Je prins alliance nouvelle
A la plus gaye damoyselle
Qui soit d'icy en
Italie.



D'honnesteté elle est saisie,
Et croy, selon ma fantasie,
Qu'il n'en est gueres de plus belle
Dedans
Paris.



Je ne la vous nommeray mye,
Sinon que c'est ma grand amye;
Car l'alliance se feit telle
Par ung doulx baiser que j'eus d'elle,
Sans penser aulcune infamie,
Dedans
Paris.